Re: Puisi Sunda..

by Muy_Abi Fri Dec 07, 2007 6:53 pm

sumaaaanggggaaaaa

by natasukma Mon Dec 10, 2007 12:20 am

"lena teh leutak"

leutak, leutak ieu
mingkin pinuh karasana
nutup kana angen jeung rasa
lawang caang molongpong sakabehna
bet nutup sawarehna, ayeuna
ngeunah nu kudu disyukuran, naha bet jadi lena?
lena ieu mawa leutak
heueuh leutak nu tadi
nutup mata, nutup sukma
ting tarajong
tikusruk

perak, 01 januari 2005

by ainKobra Mon Dec 10, 2007 7:31 pm

natasukma wrote:"lena teh leutak"

leutak, leutak ieu
mingkin pinuh karasana
nutup kana angen jeung rasa
lawang caang molongpong sakabehna
bet nutup sawarehna, ayeuna
ngeunah nu kudu disyukuran, naha bet jadi lena?
lena ieu mawa leutak
heueuh leutak nu tadi
nutup mata, nutup sukma
ting tarajong
tikusruk

perak, 01 januari 2005

hade..teruskeun.. sumangga...
-bari jeung rada teu ngarti- (tenggarkeun kana roti) heu heu
giggle

by kiki Mon Dec 10, 2007 9:12 pm

natasukma wrote:"lena teh leutak"

leutak, leutak ieu
mingkin pinuh karasana
nutup kana angen jeung rasa
lawang caang molongpong sakabehna
bet nutup sawarehna, ayeuna
ngeunah nu kudu disyukuran, naha bet jadi lena?
lena ieu mawa leutak
heueuh leutak nu tadi
nutup mata, nutup sukma
ting tarajong
tikusruk

perak, 01 januari 2005

wah, sae2
tos lami sigana sajak teh didamelna
perak, 01 januari 2005

tos ampir 3 taun kaitungna

by Manah Sun Dec 30, 2007 11:05 am

Naha
Naha masih aya cimata
pedah leungit rasa ka tresna
nu nyindeuk kana sukmaning wesih
pang rungrum sagara tresna
ngoleang lir haleuang leungit waditra
harewos kalbu nu ngileus
nu kari talatah nu teu keudal
Naha bet nyorang deui ka sagara tresna
nu teu mere ibar ka dir diri
numawa hemeng ngalimpudan
dina bimbang sapanjang amparan
eling laju nu bingung
numatak ngalengkeupan
paitna rasa peurihna hirup[center]

puisi keur anjeun(?)

Gusti naha bet asa teu puguh
Mun diri keur ngumbar rasa katresna
disusud na jajantung
ditanyakeun kasanubari
leubeung taya ngibeuran
Dina reungeut sora sakeucapan
bet asa landes misono, meulit ngait dalit ngahiji
taya daya pikeun ngalepaskeun
simpay nu geus nyangreud pageuh
marengan rasa kadeudeuh

by nugar Sun Dec 30, 2007 11:12 am

wanci yuswa tunggang gunung

wanci yuswa tunggang gunung
sagala nu ngarandapan narembongan
nyisit melit kana ati
matak eungap kana ambeukan

wanci yuswa tunggang gunung
sagala kahayang narembongan
bongan diri geus teu uni
nyalimpang kana dir sorangan

wanci yuswa tunggang gunung
kahoyong tinggal kahoyong
hoyong nyorang waktu katukang
matak mawa kasalempang

by ainKobra Tue Jan 01, 2008 6:52 am

hade euy.. aya tambihan puisi deui yeuh...

tapi kalem2.. saha nya nugar sareng manah teh??

kenging atuh ditepangkeun heula..

by Manah Wed Jan 09, 2008 6:58 pm

peurih
Geter geter rasa numawa katresna
nganjang kana puserna kalbu
netep nanceb nurih kana sajeroning rasa
amparan kahayang ngolebat
nyipta manisna rasa kadeudeuh
sakapeung mindah jadi cimata nungumbara
ngalengkepan rasa kuciwa

by nugar Mon Jan 14, 2008 2:09 pm

Hate keubeuk kubangbaluh
hareupan ngiang ka jomantara
lalampahan pinuh kurasa kaduhung
bat rusras kamanehna ieu kuring tunggara teu mangih tungtung...
boa jaga bisa pakait dei
dina biruna langit di jomantara

by manguing Tue Jan 15, 2008 3:52 am

Harita
Basa layung ngahibar di jomantara
Basa cai ngagalura di samudera
aya panah sang pamanah rasa
nanceub nyeuceub kana jero dada
ngetok-ngetok panto haté
ngagedor-gedor ku gembok jajantung

Harita
Basa panonpoé édék ngampih
dina dipan papandayan
disimbutan ku caangna bulan
dibaturan ku kiceupna béntang
aya béja ti batara bayu
tuh diditu
disisi basisir
aya nu nganti-nganti

Göttingen, Muharram 1429 H

by manguing Tue Jan 15, 2008 4:21 am

Saha
Saha atuh anjeun téh
Ujug-ujug nyampak na lawang rasa
Ojol-ojol némbong dina impénan peuting
padahal wawuh gé heunteu,kenal gé heunteu
Naha
Naha anjeun bet ngagalaksak
kana rasa jeung pangimpénan
Göttingen,Januari 2008 M

by nugar Wed Jan 16, 2008 7:19 pm

Kumalayang dialam dunya

langit numendung kalimpudan ku mega hideung
angin ngahiliwir nyereset kana ati
matak ngageuingkeun lelembutan diri
ngan hiji gusti nuwidi numaha agung
balebat fajar ti wetan nyingraykeun hideungna mega peuting
batara alam nu endah mukakeun gapura sagara hirup
nubaris jadi lalakon hirup kumalayang dialam dunya

by Manah Wed Jan 16, 2008 7:39 pm

Teuing

Hese pisan kuring cengkat
Hayang lumpat
sanggeus lilakuring tatu
alatan labuh kasagara tresna
Hese cape kuring nangtung
Rek ngalengkah ngan bati ngojengkang
nyandang kahayang nu teu bisa kasorang
Teuing iraha kuring bisa hudang

by abahsangpenyamun Wed Jan 23, 2008 11:47 am

usik eling malik eling

lamun enya jadi jagal
poma pahing ulah beuki daging
pan kabeureuyan mah lain ku tulang leuleunjeuran
tapi ku cucuk anu mucuk

tong pondok panempo heureut paneuteup
pan cilaut ge kungsi deukeut ka alak paul
masing telik masing apik nya diri
da lian ti katubruk domba, kaduhung mah tara tiheula

tolab mah ulah dibarung subaha
sing jadi kembang eros nu angger wae seungit
sok sanajan taya angin ngahiliwir
jiga sang bagaskara nu tanggoh di jomantara

by natasukma Sat Mar 15, 2008 8:52 am

ieu

ieu..
naon..
cinta?
birahi?

ieu..
naha..
sieun!
kasiksa!

ieu..
naon..
naha..

by bupati Tue Mar 18, 2008 12:20 am

Mun Aya

Mun Aya mah
sok digeura-geura
ulah di engke-engke
matak nyura kana hate

Mun euweuh
sok geura diaya-aya
Ngan kade ulah ngaaya-aya
bisi jadi ayakan bolong
geus bolong jadi katoong

by natasukma Sat Mar 22, 2008 9:26 am

kade ah tong tuang-toong bilih bintitan..
kang..upami hbungannana ngaaya-aya sareng bolong naon nya...asa kirang ieu yeuh...kirang ngartos...maklum "lola".

by bupati Fri Apr 11, 2008 11:36 am

natasukma wrote:kade ah tong tuang-toong bilih bintitan..
kang..upami hbungannana ngaaya-aya sareng bolong naon nya...asa kirang ieu yeuh...kirang ngartos...maklum "lola".

heheh, ieu mah da puisi na ngacapruk teu puguh, mun orok mah karek tiasa nyarios, nu penting mah raoseun weh, heu
teu kedah di ngartos-ngartos ka nata

by Chebs Sun Apr 13, 2008 8:07 pm

asw..

akang "pujangga",,yeuh urang boga tawaran menarik..
kamari di telpon ti Washington DC,,ti staf KBRI diditu,,trus ngobrol di email,,yeu kutipan emailna..

-------------------------------------------------------------------------------------
kang kiki,
dibawah ini, nina copy paste e-mail dari panitia acara pembacaan puisi yang nina ceritakan di telpon...

nina tunggu ya puisi sunda dan terjemahannya kedalam bahasa indonesia dalam 2 or 3 hari ini, temanya> Memperingati Bulan Puisi 'Chairil Anwar' dan Hari Kartini, yang keduanya jatuh pada bulan April, dan puisi itu harus bisa dibaca berikut terjemahannya dalam waktu 5 menit saja, karna emang itu sudah jatah waktu yang sudah ditentukan oleh panitia...

punten, kalo nina lancang minta tolongnya maksa... abis bingung kudu kamana deui...

oya, ulah hilap nama penulisnya... bilang ke penulisnya akan mendapatkan payung cantik dari KURING LSS... hehehehehe...

hatur nuhun pisan2,
~nina marzoeki

------------------------------------------------------------------------------------------------------------------------------------

Apa khabar Mbak Nina Marzoeki ?

Kami berharap e-mail ini menjumpai Mbak Nina dalam keadaan sehat wal 'afiat. Sekaligus reminder, bahwa MaRDHI-2 akan segera kita gelar sebentar lagi.
Ø Sabtu, 26 April 2008
Ø KBRI, 2020 Massachusetts Avenue NW, Washington DC 20036
Ø Jam 7 pm sampai selesai.
Ø Tema : Malam Berkaca, Malam Berkaca-kaca
(Memperingati Bulan Puisi 'Chairil Anwar' dan Hari Kartini, yang keduanya jatuh pada bulan April)

Dan juga lewat imel ini, kami ingin meminta konfirmasi Mbak Nina sebagai pengisi acara MaRDHI kita ini.
Mbak Nina akan tampil membawakan puisi / membaca karya sastra hasil karya sendiri atau pujangga pujaan, silahkan saja. Kami ingin mengkompilasinya dalam buku acara.
Karenanya, perkenan Mbak Nina untuk me-reply imel kami, berikut attachment puisi atau karya yang akan dibawakan, sangat kami harapkan.
Terima kasih atas perhatian dan kerjasamanya ya, Mbak Nina.
Kami nantikan konfirmasinya.

--------------------------------------------------------------------------------------------------------

kumaha aya nu bisa?? diantos pisan puisi-na,,kirim via email ka cecebs_kiki@yahoo.com (email urang)..
deadline-na senen peuting..

by abahsangpenyamun Wed Aug 13, 2008 2:04 am

korek teh baseuh balas kaibunan
tangara peuting ngagayuh janari
sapeuting di sipatahunan...

keun.. sinah bentang nu jadi saksi
leuirna rasa nu kungsi nyaliara
pucuk hegar nu nganti usumna

malati teh gening cunduk ka na waktuna
dipetik dibawa mulang ku nu ngaliwat
pileuleuyan, pidua ka mantenna