Puisi Sunda..

Sumangga..
ka kadang wargi nu hoyong nyerat, ngabahas, ngintun puisi....
di dieu tempatna..

Kungsi..

Malati nu kungsi ngancik na ati
kiwari ngan kari waasna
sanajan hiliwirna angin
mawa seungit nu kungsi ngait

malati kari waasna..

miluan san ah... nu ieu mah dicokot langsung ti blog urang (http://abahsangpenyamun.blogspot.com). hampura saayana..

...
peuting ieu,
anjeun ngajanggelek na poekna hate
meupeus keuyang rasa nu mancawura
paguliwota na heureutna dada

ambek nyedek tanaga midek
napsu ngagulidag taya liang moncor
antukna ngaguruh nutupan mamaras
tuluy ngilang tanpa laratan
nyesakeun diri nu nyileuk taya karep

tug nepi anjeun nyaangan
mapaesan jemplingna peuting
maturan bari ngelingan
ngajak balik ka na pitrahna

muga pareng isuk jaganing geto..
...

nu ieu mah kenging ceu Chye Retty Isnendes

Hirup

Hirup teh cita-cita
ngudag-ngudag mangsa jeung rasa
Hirup teh tunggara
upama tresna kalid sulaya
Hirup teh seuneu
nu ngaduruk lulurung sukma
Hirup teh ibadah
rela ihlas ngumawula

Hirup teh aci-acining:
Bagja!

. Bandung, 11 September 1994

kembali, ini mah bs di tempo di na blog uing.. heu

mapag romadhon

estu manusa di na hirupna
taya ieuh nu sampurna
pinuh cidra reujeung dosa
campelak di na polah katut basa

poe ieu bulan sya'ban rengse kalakon
ayeuna urang papag bulan romadhon

bageakeun ku rupaning ibadah
mangpaatkeun pikeun muhasabah
dikawit ku wening ati herang manah
neda hampura na pikeun sakur laku lampah

wilujeng ngalaksanakeun shaum romadhon

Hade-hade, euy.... miluan ah, ieu mah "instan"

Ayeuna

Jeujeur harupat tuluy ngipisan
indung suku tuturut peot
awak jadi budak
waragad teu walakaya

geuning teu di kawit teu di pungkas
kokojayan dina lantaran
sebrot hareudang hiliwir angin
ngalengkah numut sarangenge

los kaditu los kadieu
ngarenghap tuluy hah heh hoh
mmm, ngajerit diudag seuri
Nya ayeuna mah ayeuna...

ngalengkah mapag kalangkang
teu wasa nanggung pati

ngalengkah sajengkal jepat
teu wasa nangtayungan hiji

bulan ngalimba

sanajan bulan tumunggal
caangna mah bati nu hegar
bangun nu teu ngemu tunggara

sanajan bulan nyorangan
teu risi ngambah sagara peuting
nganti bentang nu baris marengan
nganteur nyorang simpena peuting
nepi ka balebat nyampeur
nyinglarkeun kahieum ati

antara bandung madiun
30 september 2007

pileuleuyan

duh rasa..
gulidag nu rosa teu kasubadanan ku diri nu laip

hampura mun anjeun kageurih
ku pucuk harepan nu teu surti
ku diri nu teu daek ngarti
ku rasa nu sumarambah
malidkeun jatining diri

. . madiun 1 oktober 2007
. . (keur nu kabaribinan)

ibun harepan

kamari rundayan katineung rek dipalerkeun
bongan mawa eurih
nu ngageuri kana ati
ngabudalkeun kingkin
jeung rambisakna rasa

tadi,
ku naon salira ngaririhan deui
mawa ibun sanajan sakeclak
nu nyirungan deui katineung
nu ngahaja rek disinglar

duh gamparan,
guligahna rasa
hamo bisa disidem deui..

-madiun, 2 oktober 2007 -

Kang Ihsan wrote:ibun harepan

kamari rundayan katineung rek dipalerkeun
bongan mawa eurih
nu ngageuri kana ati
ngabudalkeun kingkin
jeung rambisakna rasa

tadi,
ku naon salira ngaririhan deui
mawa ibun sanajan sakeclak
nu nyirungan deui katineung
nu ngahaja rek disinglar

duh gamparan,
guligahna rasa
hamo bisa disidem deui..

-madiun, 2 oktober 2007 -

Gelo lah, nepi kudu ka madiun nyieun puisi.. atawa keur ngetes ibun di madiun, eta teh??? hehehehe

supit wrote:

Gelo lah, nepi kudu ka madiun nyieun puisi.. atawa keur ngetes ibun di madiun, eta teh??? hehehehe

teu manggih ibun di madiun mah...
ieu mah ibun na via ym..
mun eurih na via sms..


hadah....
kieu jadina nyorangan di lembur batur teh pit euy..
sanajan ngan saminggu ge jadi produktip..

Oh, ari sugan teh...
Tah nu matak, sigana mun urang geus jadi 2 naskah ieu, san... soalna teu karasa geus 2 taun leuwih didieu.... beuuuhhhh
Ah, Alhmd atuh ari produktip mah, mugia continual produktipna

Eh, ari ibun jeung eurih nu mana nu tiheula datang??
mun ibun heula, nya ayeuna ngiring bingah atuh, pami eurih heula, nya alhmd oge meureun dipasihan keneh cocoba ku gusti... heuheu...

Kang Ihsan wrote:

supit wrote:

Gelo lah, nepi kudu ka madiun nyieun puisi.. atawa keur ngetes ibun di madiun, eta teh??? hehehehe

teu manggih ibun di madiun mah...
ieu mah ibun na via ym..
mun eurih na via sms..


hadah....
kieu jadina nyorangan di lembur batur teh pit euy..
sanajan ngan saminggu ge jadi produktip..

lainna nyorangan teh teu di madiun hungkul nya ??

supit wrote:

kunaon kang supit? nyorangan oge??
eh maksadna mah ngaibun oge

Sekretaris Daerah wrote:

supit wrote:

kunaon kang supit? nyorangan oge??
eh maksadna mah ngaibun oge

Nyorang muy, sanes nyorangan....
seueur ibun nu lucu didieu, yeuh...

ngomongkeun masalah ibun jeung eurih.. uing mah rek jadi cucuk rungkang we ah, rek NYUCUUUKKK..

sampurasun.....

pangapunten ka sadayana di lssitb, sim kuring sanes ti ITB,tapi jisim kuring banget katajina ku ieu thread.
nyuhunkeun widina kanggo ilu biung didieu ieu.
nami landihan jisim kuring Natasukma. kuring ayeuna aya di priok-jakarta, upami sakola mah di unas.
hatur nuhun.
nyuhunkeun upami diwidian atanapi henteu supados aya waleran nana.

"alus goreng ku basa"

natasukma wrote:sampurasun.....

pangapunten ka sadayana di lssitb, sim kuring sanes ti ITB,tapi jisim kuring banget katajina ku ieu thread.
nyuhunkeun widina kanggo ilu biung didieu ieu.
nami landihan jisim kuring Natasukma. kuring ayeuna aya di priok-jakarta, upami sakola mah di unas.
hatur nuhun.
nyuhunkeun upami diwidian atanapi henteu supados aya waleran nana.

"alus goreng ku basa"

Rampes...
aeh geuningan aya semah.Bagea ka nu anyar datang. Alhamdulillah pami aya nu tiasa dipulung ti porum iyeu mah. Tah perkawis wiwidian mah antosan weh waleran ti bapa Bupati atanapi bapa Sekda. Kaleresan dinteun ayeuna teh nuju aya acara lekasan barudak anyar.
Pami di Unas aya LSSna oge heunteu ?

di unas teu aya manawi. jadi kieu yeuh ngacacang kamana mana milari kasundan.

wah , bener mang pamarentah kedah masihan tanggapan yeuh....
kamarana ieu teh pa bup jeung pa sekda na ??
poe senen can arasup gawe kitu nya ??
kumaha rek nyieun KTP atuh nya..
mung kanggo kang natasukma, punten we pami rada teu nyambung kana eusi porum ieu,

natasukma wrote:di unas teu aya manawi. jadi kieu yeuh ngacacang kamana mana milari kasundan.

sanesna di jakarta teh aya nu namina KEMAS JAYA..
eta teh kempelan jalmi-jalmi (mahasiswa) nu cicingna di jakarta tapi kawit ti Jawa Barat..
pami teu lepat mah pusatna teh aya di UIN kitu..

ainKobra wrote:

natasukma wrote:di unas teu aya manawi. jadi kieu yeuh ngacacang kamana mana milari kasundan.

sanesna di jakarta teh aya nu namina KEMAS JAYA..
eta teh kempelan jalmi-jalmi (mahasiswa) nu cicingna di jakarta tapi kawit ti Jawa Barat..
pami teu lepat mah pusatna teh aya di UIN kitu..

puguhan kang teu gaul.
kenging teu abdi ngiring seseratan di forum ieu, najan puisi na aratah keneh.

sumaaaanggggaaaaa