Su-Surat-an

sampurasun baraya...
sampurasun dulur...

kuring hayang nyobaan yeuh nulis surat make basa sunda... cikan ah...
nya dimimitian ku surat cinta weh nu gampang mah.. heu heu..

ATAH MODE ON
GOMBAL MODE ON
basa - biasa - teu puitis



SURAT KEUR "EUIS"

Assalamualaikum..

Peuting ieu langit asa caang. Kuring di imah taya gawe lantaran kuliah libur jeung di kampus can pati rame kapan dua poe ka tukang kakara rengse jalan-jalan. Rek nyieun tutulisan, ah can kapikiran. Nya kuring teh tamba cicing ningalian poto dina komputer. Eh geuningan aya potret anjeun ngajakan seuri ka kuring. Ningali potret anjeun seuri, kuring ojol-ojol hayang nyieun surat ka anjeun. Tah kitu lah pangna kuring wawanian nyieun ieu surat ka anjeun.

Euis nu geulis, hampura lamun kuring geus kumawani nyuratan Euis pikeun nepikeun niat nu geus lila nyantel na hate kuring. Da sabenerna mah geus lila kuring hayang ngomong langsung, tapi naha ieu letah teh asa hareuras ari geus panghareup-hareup jeung anjeun teh. Antukna mah kuring kalah ngobrol pasualan nu lain-lain ka Euis, timimiti soal kuliah -biasa dimimitian ku soal kuliah heula- nepi ka harga cau di warung nu ngagantung..

Kuring sok inget harita anjeun kungsi curhat ka kuring basa anjeun anyar pepegatan jeung si Kemod. Anjeun nyarita sanggeus pepegatan jeung si Kemod naha beut loba lalaki nu ngedalkeun kacinta ka anjeun. Euis meureun inget keneh basa kuring nyarita, "Euis di dunya teh hese neangan lalaki anu daek jadi babaturan wungkul. Da lalaki mah dimana-mana ngadeukeutan awewe bari jeung geulis mah pasti aya pamrihna. Bogoheun eta teh Euis." Tuluy kuring nyarita, "Euis, lamun kuring mah beda tinu sejen, kuring mah deukeut jeung Euis teh estuning ku hayang sosobatan wae, teu aya pamrih nanaon. Kuring mah lir ibarat panon poe nyaangan alam dunya tapi teu menta imbalan nanaon ti dunya nu dicaanganana. Tah kitu Euis kuring mah lir ibarat panon poe." Anjeun pasti inget keneh kuring kungsi ngendalkeun omongan sarupa kitu basa aya hiji acara di tilu bulan kapengker. Tapi Euis sabenerna eta teh bohong. Sabenerna kuring teh kacida bogohna ka Euis. Nepi ayeuna kuring bogoh pisan ka anjeun. Matak kuring nyieun ieu surat oge lantaran teu tahan hayang geura-geura nepikeun seuneu cinta nu geus lila ngabelbela dina ieu dada.

Tangtu Euis ayeuna hayang nanya ka kuring, naha cenah Kang Umed beut bogoh ka Euis? Kapan loba keneh baturan awewe nu sejen? si Asih, Rika, Enah, si Lia kurang kumaha seksina? Naha Kang Umed beut milih kuring? Kitu meureun pantesna pananya na jero hate anjeun teh. Euis, kuring moal kagoda ku awewe nu sejen. Kuring mah ngan kataji ku anjeun. "Awewe emang rea, tapi ngan Euis nu dicinta."

Jadi kieu Euis, singgetna mah kuring nyieun ieu surat teh lantaran rek ngedalkeun yen kuring bogoh pisan. Kuring hayang Euis jadi kabogoh kuring. Kira-kira kumaha tah, Euis narima heunteu? Euis daek teu jadi kabogoh? Pokonamah kuring siap mikadedeuh sahirup samati saia sakata. Sagancangna kuring hayang geura narima jawabanana.

Atawa kieu wae ayeunamah Euis. Engke peuting kuring rek ngahaja nepungan Euis ka imah. Tah engke kuring menta disuguhan cai enteh ku Euis. Lamun cai enteh nu ku Euis disuguhkeun ka kuring teu make gula hartina Euis nampik kana kahayang kuring, tegesna anjeun teu bogoh ka kuring. Tapi lamun cai enteh nu disuguhkeun kacida amisna , eta tandana anjeun narima kana cinta kuring, tegesna anjeun oge bogoh ka kuring.

Sakitu surat ti kuring. Engke isukan kuring rek nganjang ka anjeun. Ayeuna anjeun siap-siap pikeun narima kadatangan kuring. Mun bisa mah di imah tong aya sasaha, ema jeung bapa Euis, tur adi jeung lanceuk Euis sina nyaraba ambeh acara urang teu kaganggu. Tos heula nya Euis, Kang Umed bebersih heula. Apan ambeh sareungit engke tepang paduduaan.

Permios Euis.




ATAH MODE OFF
GOMBAL MODE OFF

dicandak ti berbagai sumber, teras diedit, teras ditambihan sakedik, teras dikirangan sakedik, teras di kumahakeun nya hadena??

alusss euyyy.... jang longser iraha ieu teh? atawa nyaanan aya budak LSS ngaranna Euis... da baheula mah aya angkatan 97 tea...

Kang, ieu teh na... mangga dicobian, kaleresan gula teh atos seep... abdi mah bade nungkulan akang dideui dugi ka teh na seep... pami karaos na amis akang tos terang jawaban abdi, ngan pami teu amis langkung sae akang milarian deui anu sanes...


tahh mun kitu kumaha....

atau kieu... kang, hapunten kaleresan gula na tos seep... kalerasan oge kamari kang Uhe ngintunkeun serat anu sami sareng akang, janten wae eta gula sadayana di asup keun ka cai teh... janten akang tos terang pan jawaban na....

hahahahaha

Subhanalloh, Umed.. Umed...
Bener Sin hade pisan...

Jeung deuih,
Mun beakeun gula mah gampang, mawa gula ti imah.... tan entehna
saacan diinum, diheumheum heula gulana, insyaallah karasa amis....

ceuk masri mah

duh nayaga naha bet jadi kieu ....

Kang Umed,iyeu aya titipan seurat ti Teh Euis. Saurna teh teu wantun pami masihkeun langsung mah. anu matak anu mawi (sirah butak katinggang awi) si Teteh teh ngawiatkeun ka Mamang.
Assalaamu'alaikum,w.r.w.b.
menikah :
Euis Masitoh
dengan
Raekan Uhe Pitakan
hari : Ahad
Tanggal : 21 Oktober 2007
Waktu : 11:00 - 15:00
Tempat : Wisma Dewi Pohaci
Jalan Dewi Pohaci No. 13
Sukabumi

PS: Kang Umed, dongkapnya. Insya 4JJ disayagikeun oge cai teh sareung gulana.

lanjutkeun heyyyy... meureun we bisa jadi sababak... tah pan lumayan tibatan ngomongkeun lauk/aatahan teu pararuguh... jadi nu boga lakon teh euis, umed, jeung uhe.... rek nambah hansip, preman, lurah, sok we tambahkeun... kagok gelo lah...

iya siap
hayu urang berantai nyieunna sugan we jadi naskah longser lamun dihijikeun mah.

Iraha deui nyieun longser eusina ngan curhat hate wungkul...
jati settinganna tergantung isi surat, terus teu kudu aya pamaen, hese latihanna... sora gaib weh... nya

sok atuuh, akang2, teraskeun...

maenya saatos nampi uleman nikah, atosan?

pan saurna oge, sateuacan bendera kuning berkibar mah..masih aya kesempatan..
hii,, naudzubillah ketang..

cidfofa wrote:sok atuuh, akang2, teraskeun...

maenya saatos nampi uleman nikah, atosan?

pan saurna oge, sateuacan bendera kuning berkibar mah..masih aya kesempatan..
hii,, naudzubillah ketang..

ih...
naha make jeung naudzubillah..

emangna neng acid bade ngaluarkeun bandera koneng nya?

Kang umed, tanggung jawab atuh tong satengah2, sok ceunah tuluykeun, sakitu ditantang teh, euy.....

Punten upami ada kesamaan nama, pemain, dan kondisi, eta memang dihaja, supados.......................
(geuleuh make simbol ieu teh,nya)

Kuduna aya surat versi si Uhe-na euy... Sigana leuwih pol deui, sok he atuh euy.... jadi caritana bentrok tapi fair...

emang aya nu bentrok teu fair?

ngadagoan nu nyieun kahiji heula, jigana geus boga plot hayang na kumaha jawaban na..

Sina wrote:emang aya nu bentrok teu fair?

ngadagoan nu nyieun kahiji heula, jigana geus boga plot hayang na kumaha jawaban na..

heu heu ...
sok atuh lah.. nya bari dibantosan weh atuh... nya engke simkuring nuju ngadamel serat nu kadua na...

heu heu ...

cidfofa wrote:sok atuuh, akang2, teraskeun...

maenya saatos nampi uleman nikah, atosan?

pan saurna oge, sateuacan bendera kuning berkibar mah..masih aya kesempatan..
hii,, naudzubillah ketang..

euleuh2.. bendera kuning mah pasti berkibar... aduuuh...
ceuk urang mah saacan janur kuning berkibar, nya masih keneh aya harepan.. tapi mun sanggeus janur kuning berkibar mah nya.. mangga weee, da simkuring mah moal.. heu heu..

ainKobra wrote:

cidfofa wrote:sok atuuh, akang2, teraskeun...

maenya saatos nampi uleman nikah, atosan?

pan saurna oge, sateuacan bendera kuning berkibar mah..masih aya kesempatan..
hii,, naudzubillah ketang..

euleuh2.. bendera kuning mah pasti berkibar... aduuuh...
ceuk urang mah saacan janur kuning berkibar, nya masih keneh aya harepan.. tapi mun sanggeus janur kuning berkibar mah nya.. mangga weee, da simkuring mah moal.. heu heu..

Punteun pami "urang" didiyeu teh maksadna kang Umed atanapi AinKobra.

punten Kang Umed nuju teu damang ayeuna mah..saur dokter kedah istirahat di bumi 3 dinten..nya upami bade ngalongok, tong hilap ajakan Euis nya..kamari karunya ngan nyalira Euis aya di dieu..dina hate Kang Umed..

manguing wrote:

ainKobra wrote:

cidfofa wrote:sok atuuh, akang2, teraskeun...

maenya saatos nampi uleman nikah, atosan?

pan saurna oge, sateuacan bendera kuning berkibar mah..masih aya kesempatan..
hii,, naudzubillah ketang..

euleuh2.. bendera kuning mah pasti berkibar... aduuuh...
ceuk urang mah saacan janur kuning berkibar, nya masih keneh aya harepan.. tapi mun sanggeus janur kuning berkibar mah nya.. mangga weee, da simkuring mah moal.. heu heu..

Punteun pami "urang" didiyeu teh maksadna kang Umed atanapi AinKobra.

Good point... gw suka gaya lu...

Teuh, Kang... Kedah disamarkan nami pelaku mah, bilih aya nu raheut manah, nu pasti mah ieu teh "Based on True Story" nya, Co...

hihihi...rame..
teraskeun ih..mana kang kobra teh...nuju tapa heula nya?hahaha.
kade ngadamel serat wae terus TA-na teu beres2..hehe,mahasiswa tingkat 5..

@kangsupit:panasaran,saha nu berpengalaman teh..

supit wrote:Teuh, Kang... Kedah disamarkan nami pelaku mah, bilih aya nu raheut manah, nu pasti mah ieu teh "Based on True Story" nya, Co...

....it can be or it will be....

ainKobra wrote:punten Kang Umed nuju teu damang ayeuna mah..saur dokter kedah istirahat di bumi 3 dinten..nya upami bade ngalongok, tong hilap ajakan Euis nya..kamari karunya ngan nyalira Euis aya di dieu..dina hate Kang Umed..

Kumed iyeu aya surat deui yeuh ti Euis. Ari maneh kamana wae atuh, karunya tuh si Euis jeung si Uhe neangan maneh. Lamun maneh lalaki, tong nyumput tina masalah maneh euy. Tong ngerakeun mamang. Sok komo deui mun nepi ka gering pipikiran mah. Tah iyeu suratna...

Kanggo Kang Umed
(d.a. AinKobra, LSS ITB Bandung)
di Bumi 4JJ
Assalaamu'alaikum,w.r.w.b.
Kang Umed,anu bageur mugia aya dina ginanjar kawilujeungan. Punteun,Kang abdi nembe uninga yen Kakang teh nuju dipasihan musibah teu damang ku 4JJ. Teu damang naon,Kang? Leres Kakang teh teu damang. Punteun pami Euis naros kawas kiyeu teh,sabab mun maos seratannana kang Aink mah kawas anu teu SEUEUS.Ongkoh ngakhibarkeun Kang Umed teu damang,tapi dihandapna teh aya gambar anu seuri ngakak.
Kang Umed,Naha teu janteun dongkap ka rorompok?Padahal dintenan harita teh pun Biang sareung pun Rama nuju ngalongok pun Uwa anu nuju teu damang di RSHS.Kitu oge pun raka sareung pun rai nuju nganteuran ondangan. Euis tos ngahaja nguleum kang Uhe kanggo dongkap ka rorompok. Ari kahoyong mah abdi sareung kang Uhe teh nyarios langsung ka kang Umed. Abdi tos nyobian nelepon ka HP kang Umed,tapi teu aktip. Abdi nelepon ka bumi kang Umed. Saurna Kakang teh nuju kemping ka Ciremai. Angkatna teh saatos kenging serat ti Euis. Naha kakang bet jalir jangji. Tara tisasari akang jalir kana jangji.
Kang Umed,Pami Kakang leres-leres bogoh ka Euis. Ku Euis diantosan di rorompok,dinteun Saptu kaping 20 OTB.Nganggo raksukan anu pangsaenanya,Kang. Tong hilap ibaknya, teras nganggo parfum anu pangseungitna.Pokona mah sapertos jangji Kang Umed dina serat nu kamari tea.
Sakitu anu kapitutur. Punteun bilih salami iyeu Euis tos ngaraheutkeun manah kang Umed. Kang Umed sing enggal damangnya.
Wassalaamu'alaikum,w.r.w.b.

Kang Ihsan wrote:

cidfofa wrote:sok atuuh, akang2, teraskeun...

maenya saatos nampi uleman nikah, atosan?

pan saurna oge, sateuacan bendera kuning berkibar mah..masih aya kesempatan..
hii,, naudzubillah ketang..

ih...
naha make jeung naudzubillah..

emangna neng acid bade ngaluarkeun bandera koneng nya?

eh? bandera koneng teh biasana upami aya nu ngantunkeun, pan?
nya atuh naudzubillah we masih ngugudag dugi ka maot-na mah..

hehe...dipikir2, naha akang2 teh langkung jago ngadamel waleran ti versi istri nya?
teu tariasa kitu ngawaler/nyikapan ti versi pameget?

cidfofa wrote:
hehe...dipikir2, naha akang2 teh langkung jago ngadamel waleran ti versi istri nya?
teu tariasa kitu ngawaler/nyikapan ti versi pameget?

Heuheuheu... tah iyeu nu namina empati teh. Tapi hanjakal istri mah sigana teu peryogi empati ti pamegetnya. Janteunna nya ... kitu. dung bang dung.

Asa katangtang yeuh, untung lain ku si atang oge...
Waleran versi Pameget, (ngawaler nu mananya ??)
ngawaler serat ti mang uing we nya

kieu cenah ...

TUkang Pos : "punten, euisna aya?"
Bibina euis : "aya kang, sakedap", milarian euis "EUUUUIIIISSS, aya mangpos, kadieu atuh, ibi keur sasapu yeuh"
EUis : "muhun ibi, sakedap, euis nuju maen PS2 yeuh, DDR tea gening, kedap di paus heula"
...kicrik..kicrik..euis kaluar we nampi surat ti mangpos..
dibuka surat teh ku euis..
dibaca we ku euis teh..

---------------------------------------------------------------------------------
Assalamualaikum, wr wbr.

Euis nu dipikadeudeuh, sareng dipikanyaah ku kang umed.
Sanes maksad akang teu hoyong nepungan euis. Sanes maksad oge akang teu nyarios nu saleresna ka euis .
Akang salawasna aya dina kasehatan, punten akang tos teu jujur ka euis, akang nyuhunkeun dihapunten ku tingkah polah akang nu teu puguh juntrunganna.
kamari HP akang dihaja dipareuman. Ka nu di bumi ge akang nyariosna ka ciremay, padahal akang teh mondok di bumina masri, rencang akang ti Tegal.
Muhun leres akang teh angkatna saatos nampi serat ti euis. Leres pisan euis,.
Sanes teu hoyong dongkap ka bumi euis, mung...
aduh kumaha nyeratnanya,janten saatos akang mikir-mikir deui, sanajan akang bogoh pisan ka euis, akang nyaah pisan ka euis, ngan akang ngaraos teu pantes kanggo euis, akang ngaraos teu pantes...
hirupmah teu bisa ku cinta hungkul.
Hapunten euis, sanes akang teu hoyong, tapi akang teu tiasa
mugia euis tiasa kenging nu langkung sae tibatan akang.


Kang Umed

Wassalamualaikum Wr. Wbr.
-----------------------------------------------------------------------------------

saanggeus maca surat ti umed, kuduna mah euis teh lumpat ka kamarna tuluy, ceurik na kasur tea geningan, sabari ngalung2keun tisu jiga disinetron..sinetron.. tuluy bibina nyusul ka kamarna euis.
sabari ngomong
Bibi euis : "tos atuh, lalaki mah emang kararitu"
Euis : "tapi ieu kang umed bi, kang umed bi", "hiks..hiks,..hiks"

jiga kitu,.. keun we lah

Pengalaman Pribadi lain sih...???